سيرين 2 - Siren2 GTA - MTL

• يعتبر اضافة فى عالم الMTL وهو من تصميم شركة DIGI Flavor واللي لسة طالعة جديد في التانكات ولكن يتعاظم انتشارها بعد نجاحها فى تصميمات أخذت منها الثقة فى عالم الفيب فى العالم مثل Drop RDA - Pharaoh RTA .

• بيتم التسويق له على انه تانك MTL رغم اقتناعي التام بيه كتانك نفس شيشة ايضا. بسبب اتساع فتحات الجوس فلو الخاصة بيه واللى تقدر تستقبل ليكويد 70:30 بمنتهي السهولة . وكذلك مستويات الايرفلو الخمسة لو تركتهم كلهم مفتوحين.

• اول ما تشتريه هتلاقي العلبة فيها كافة ما تحتاجه من التانك وزجاج احتياطي و مفك متعدد وكيس مسامير احتياطي و اورينجات وكيس في كويلين نيكروم أو كانتال 6 لفات على ديامتر 3 مم.

التانك كبير سعة 4.5 مل ،، و هتلاقي منه الميني سعة 2 مل ... وكبروا مساحة قاعدة الكويل عشان تشيل كويل اكبر من تانك السيرين 1 ... ده غير انهم رفعوا القاعدة لأعلى (GTA ) عشان تشيل ليكويد اكتر فى الاسفل .. و من وجهة نظري .. عشان تقلل من مستوي ضغط الليكويد على فتحات الجوس فلو و تقلل او تنهي على اى فكرة لييك ممكن تحصل.

الدريب تيب .. مصممة بشكل تمنع وصول اى حرارة ناتجة مع البف ليك ... لأنها مغلفة بالبوليمر .. وطريقة ملو الليكويد من الاعلى .. سهلة وبسيطة زي اغلب تانكات الDL المتوفرة فى السوق.

البيلد على القاعدة دي سهل جدا .. كل اللى على حضرتك .. انك تعمل الكويل من عدد لفات تغطي مساحة فتحات الاير فلو اللى تحتها .. و تاخد القطن و تنزلها فى الفتحة المخصصة فيها و تقصها على حافة القاعدة المعلقة .. ومن وجهة نظري انه يفضل بلل القطنة بالليكود الاول .. وتحطها فى مكانها عشان تمنع حركة القطن وانت بتقفل الشيمني عليها. .. أفضل بيلد كان ستانلس 24 ،، 7 لفات على ديامتر 3 اداني 0.58 اوم .. وتقدر تفيب على 25 إلى 30 وات .. مع المحافظة على الفليفور الناتج من البخر.

حتى الان مش شايف فيه عيوب .. لكن النفس بتاعه مع مستويات الاير فلو الموجودة فى التصميم .. تقدر تخليك تفيب منه MTL او تقدر تاخد منه بف معقول جدا كا DL بالنسبة للسادة الفيبورز اللي مش غاوية الكلاود كتير و عاوزة نفس معقول ويقلل من استهلاكها فى الليكويد... بسبب مستويات الايرفلو الخمس فتحات المتدرجة ... اللى ممكن تجمع بينهم كلهم لل DL او تشغل اقل مستوى فقط كـMTL
لو انت من هواة التانكات القديمة زي Lemo2 و ما شابه .. هيعجبك جدا التانك ده.